കെ കെ സി എ ഓണാഘോഷം “തനിമയിൽ ഒരോണം 2022” ഫ്ലയർ, റാഫിൾ കൂപ്പൺ പ്രകാശനം ചെയ്തു. കുവൈറ്റ് ക്നാനായ കൾച്ചറൽ അസോസിയേഷൻ സെപ്റ്റംബർ 9 ന് നടത്തുന്ന തനിമയിൽ ഒരോണം എന്ന ഓണാഘോഷ പരിപാടിയുടെ ഫ്ലയർ, റാഫിൾ കൂപ്പൺ പ്രകാശനം ചെയ്തു. അബാസിയിൽ വെച്ച് നടന്ന ചടങ്ങിൽ പ്രസിഡന്റ് ജയേഷ് ഓണശ്ശേരിൽ സംഘടനയുടെ രക്ഷാധികാരി ജോബി ജോസിന് നൽകി പ്രകാശനം നിർവഹിച്ചു. റാഫിൾ കൂപ്പണിന്റെ പ്രകാശനം ജോയിന്റ് ട്രഷറർ വിനിൽ തോമസ് , കേന്ദ്ര കമ്മിറ്റി അംഗം റെമി വട്ടകളത്തിനു നൽകി നിർവഹിച്ചു. ഇന്ത്യൻ ഐഡൽ , സീ ടിവിയുടെ ‘സരിഗമപ’ എന്നീ സംഗീത റിയാലിറ്റി ഷോയിലൂടെ മലയാളത്തിന്റെ അഭിമാനമായി മാറിയ വൈഷ്ണവ് ഗിരീഷ്, ചലച്ചിത്ര പിന്നണി ഗായിക ലേഖ അജയ് എന്നിവർ നയിക്കുന്ന ഗാനമേളയും, കുവൈത്തിലെ ക്നാനായ അംഗങ്ങളുടെ വൈവിധ്യങ്ങളായ കലാപരിപാടികളും പരിപാടിയുടെ ഭാഗമായി നടക്കും. പ്രസിഡന്റ് ജയേഷ് ഓണശ്ശേരിൽ അധ്യക്ഷത വഹിച്ച ചടങ്ങിൽ ജന. സെക്രട്ടറി ബിജോ മൽപാങ്കൽ, ജോയിന്റ് സെക്രട്ടറി അനീഷ് എം ജോസ് , വിനോയ് കരിമ്പിൽ, ഡോണ തോമസ് എന്നിവർ സംസാരിച്ചു. കെ കെ സി എ കേന്ദ്ര കമ്മിറ്റി അംഗങ്ങൾ ചടങ്ങിൽ പങ്കെടുത്തു.