കെ കെ സി എ കുവൈറ്റ് വിവിധ ഏരിയകളിൽ സംഘടപ്പിക്കുന്ന പ്രവർത്തക സമിതി യോഗങ്ങളുടെ ഭാഗമായി  അബാസിയ – റിഗ്ഗായ് ഏരിയ പ്രവർത്തക സമതിയോഗം പ്രസിഡണ്ട് ജയേഷ് ഓണശ്ശേരിയുടെ അധ്യക്ഷതയിൽ അബ്ബാസിയിൽ വെച്ച് നടന്നു. ജന. സെക്രട്ടറി ബിജോ മൽപാങ്കൽ സ്വാഗതം ആശംസിച്ചു. പ്രവർത്തകസമിതി അംഗങ്ങൾക്കുള്ള സത്യവാചകം ഉപദേശക സമിതി അംഗം ശ്രീ റെനി അബ്രാഹം ചൊല്ലി കൊടുത്തു. 2022 വർഷത്തെ അബാസിയ – റിഗ്ഗായ് ഏരിയ മെമ്പർഷിപ്പ് വിതരണ ഉദ്ഘാടനം മുതിർന്ന അംഗം ശ്രീ റെനി അബ്രാഹം ട്രഷറർ ജോസ് കുട്ടി പുത്തൻതറയിൽ നിന്ന് വാങ്ങി നിർവഹിച്ചു. ബ്രോഷർ പ്രകാശനം മുൻ പ്രസിഡണ്ട് ശ്രീ ജോബി ചാമം കണ്ടയിൽ നിർവഹിച്ചു. ഫെബ്രുവരി 26 ന് നടക്കുന്ന കുട്ടികളുടെ ക്യാമ്പ് വിജയിപ്പിക്കുവാൻ യോഗം തീരുമാനിച്ചു. കെ കെ സി എൽ കൺവീനർ സിജോ വലിയപറമ്പിൽ ക്യാമ്പിൻ്റെ മുന്നോടിയായുള്ള ഒരുക്കങ്ങളെ സംബന്ധിച്ച് വിശദീകരിച്ചു. നാട്ടിൽ നിന്നുള്ള പ്രമുഖ മോട്ടിവേഷനൽ സ്പീക്കേഴ്സ്, ജീസസ് യൂത്ത് ടീം തുടങ്ങിയവർ ക്ലാസ്സുകൾ നയിക്കും. കെ കെ സി എ വുമൻസ് ഫോറം രൂപികരിക്കുന്നത് മായി ബന്ധപ്പെട്ട നിർദ്ദേശത്തെ തുടർന്ന് എലിസബത്ത് ഷാജി, ബിന്ദു ജോൺസൻ, മഞ്ജു മാത്യു, ആശ അബ്രാഹം എന്നിവർ  സന്തോഷം രേഖപ്പെടുത്തി സംസാരിച്ചു . അക്ഷരദീപം ഹെഡ്മാസ്റ്റർ ജയ്സൻ മേലേടം, ജോ. ട്രഷറർ വിനിൽ തോമസ് എന്നിവർ സംസാരിക്കുകയും വൈസ് പ്രസിഡണ്ട് ബിനോ കദളിക്കാട്ട് നന്ദിയും പറഞ്ഞു. ഫഹാഹീൽ – സാൽമിയ പ്രവർത്തക സമിതിയോഗം ഫെബ്രുവരി 18 വെള്ളിയാഴ്ച രാവിലെ 10 .30 ന് മെഹ്‌ബൂലയിൽ വെച്ച് നടക്കും.