KKWF ചെയർപേഴ്സൺ ശ്രീമതി. ബിൻസി റെജിയുടെ അധ്യക്ഷതയിൽ ചേർന്ന യോഗം ശ്രീമതി. ജയിൻ തോമസ് ഉദ്ഘാടനം ചെയ്തു, KKCA പ്രസിഡന്റ് ശ്രീ. സുജിത്ത് ജോർജ്, സെക്രട്ടറി ശ്രീ. ഡോണ തോമസ്, ട്രഷറർ ശ്രീ. ഷിജോ ജോസഫ്, KKWF സെക്രട്ടറി ശ്രീമതി. സിമിലി അജി, ട്രഷറർ ശ്രീമതി. ബെറ്റി വിനിൽ തുടങ്ങിയവർ സംസാരിച്ചു. നാട്ടിൽ നിന്നും എത്തിയിട്ടുള്ള അമ്മമാരെ പുഷ്പം നൽകി ആദരിച്ചു, KKWF അംഗങ്ങളായ കുവൈറ്റിൽ ജോലി ചെയ്യുന്ന അധ്യാപകരെയും, നാലും അതിൽ കൂടുതലും കുട്ടികളുള്ള അമ്മമാരെയും ചടങ്ങിൽ പൊന്നാട അണിയിച്ച് ആദരിച്ചു.

സമ്മേളനത്തിന് ശേഷം KKWF അംഗങ്ങളുടെ നയന മനോഹരമായ വിവിധ കലാപരിപാടികൾ പ്രോഗ്രാമിന് മാറ്റുകൂട്ടി. KKCA 2024 സെൻട്രൽ കമ്മിറ്റി അംഗങ്ങളും, 2023 എക്സിക്യൂട്ടീവ് കമ്മിറ്റിയും പരിപാടിയിൽ പങ്കെടുത്തു.

ഈ പരിപാടി വിജയിപ്പിക്കാൻ അക്ഷീണം പ്രയത്നിച്ച എല്ലാവരെയും അഭിനന്ദിക്കുകയും ഒരിക്കൽ കൂടി എല്ലാവരുടെയും സഹകരണങ്ങൾക്ക് നന്ദി അറിയിക്കുകയും ചെയ്യുന്നു.