കുവൈറ്റ് സിറ്റി: മതസൗഹാർദത്തിന്റെയും മാനവ സ്നേഹത്തിന്റെയും സന്ദേശം പകർന്നുകൊണ്ട് ഈദുൽഫിത്തറിനോടനുബന്ധിച്ച് രക്തദാന ക്യാമ്പ് സംഘടിപ്പിക്കുന്നു. കുവൈറ്റ് ക്നാനായ കൾച്ചറൽ അസോസിയേഷന്റെ വനിതാ-യുവജന വിഭാഗമായ KKWF , KCYL എന്നിവർ സംയുക്തമായി ബ്ലഡ് ഡോണേഴ്സ് കേരള കുവൈറ്റ് ചാപ്റ്ററുമായി സഹകരിച്ചാണ് രക്ത ദാന ക്യാമ്പ് സംഘടപ്പിക്കുന്നത്. മെയ് 3 ചൊവ്വാഴ്ച ഉച്ചയ്ക്ക് ഒരു മണി മുതൽ വൈകിട്ട് ആറ് മണി വരെ അദാൻ ബ്ലഡ് ബാങ്കിൽ വെച്ച് നടക്കുന്ന ക്യാമ്പിലേക്ക് ഇതിനകം 150 ൽ പരം ആളുകൾ രെജിസ്ട്രേഷൻ പൂർത്തിയാക്കിയതായി ഭാരവാഹികൾ അറിയിച്ചു. കൂടുതൽ വിവരങ്ങൾക്ക് 66127529, 51129172.