അക്ഷരദീപം ടീച്ചർമാരും അവരുടെ കുടുബാംഗങ്ങളും ചേർന്നുള്ള Teacher’s Meet ഡിസംബർ 9 വ്യാഴാഴ്ച നടത്തപ്പെട്ടു. കെ. കെ. സി.എ പ്രസിഡന്റ് ശ്രീ ജോബി ചാമംകണ്ടയിൽ യോഗം ഉദ്ഘാടനം ചെയ്തു കൊണ്ട് സംസാരിച്ചു. യോഗത്തിൽ അക്ഷരദീപം ഹെഡ്മാസ്റ്റർ ശ്രീ ജയ്സൻ മേലേടം അധ്യക്ഷത വഹിച്ചു സംസാരിച്ചു. ശ്രീ ജിനു കുര്യൻ സ്വാഗത പ്രസംഗം നടത്തി. കെ.കെ.സി.എ സെക്രട്ടറി ശ്രീ റ്റെനി കൂപ്ലിക്കാട്ടും, ട്രഷറർ ശ്രീ സോജൻ പഴയംപള്ളിയും ആശംസകൾ നേർന്ന് സംസാരിച്ചു. അക്ഷരദീപം കൺവീനർ ശ്രീ ബൈജു തോമസ് അംഗങ്ങൾക്ക് നന്ദി അർപ്പിച്ചു സംസാരിച്ചു. പ്രസ്തുത ചടങ്ങിൽ മലയാളം മിഷൻ കോഓർഡിനേറ്റർ ശ്രീ സജി സർ, മലയാളം മിഷൻ ടീച്ചേഴ്സ് ട്രെയിനർ ശ്രീ അനിൽ സർ, ടീനേജ് കുട്ടികൾക്ക് Inspire-2021 എന്ന പ്രോഗ്രാം സംഘടിപ്പിച്ച ശ്രീ ജോജോ സർ എന്നിവരെ കെ.കെ.സി. എ മൊമെന്റോ നൽകി ആദരിച്ചു. തുടർന്ന് നടന്ന സൗഹൃദ ഒത്തുചേരൽ വേളയിൽ എല്ലാ ടീച്ചർമാർക്കും കുടുംബാംഗൾക്കും പരസ്പരം പരിചയപ്പെടുവാനും, കൂടുതൽ മികവുറ്റ രീതിയിൽ അക്ഷരദീപം മുൻപോട്ടു നടത്തുവാൻ വേണ്ടിയ അഭിപ്രായങ്ങൾ, ആലോചനകൾ ഈ ഒത്തുചേരൽ വേദി ഒരുക്കി. സ്വാദിഷ്ടമായ സ്നേഹ വിരുന്ന് ആസ്വദിച്ച് കൊണ്ട് എല്ലാവരും സന്തോഷത്തോടെ പിരിഞ്ഞു.