01/07/2024 തിങ്കളാഴ്ച കുവൈറ്റ് ക്നാനായ കൾച്ചറൽ അസോസിയേഷൻ, KKCA സ്ഥാപക ദിനവും 40ആം വാർഷികവും ആഘോഷിച്ചു. അബ്ബാസിയ ഇന്ത്യൻ സെൻട്രൽ സ്കൂളിൽ വച്ച് നടത്തിയ പരിപാടിയിൽ 2024 പ്രവർത്തക. സമിതി അംഗങ്ങളും, KKCA മുൻകാല എക്സിക്യൂട്ടീവ് അംഗങ്ങളും പങ്കെടുക്കുകയുണ്ടായി. വാർഷികത്തോടനുബന്ധിച്ച് നടന്ന ഉദ്ഘാടന സമ്മേളനത്തിൽ KKCA പ്രസിഡന്റ് ശ്രീ. സുജിത് ജോർജ്, അധ്യക്ഷത വഹിച്ചു. KKCA ജനറൽ സെക്രട്ടറി ശ്രീ. ഡോണ തോമസ് തയ്യിൽ എല്ലാവരെയും സ്വാഗതം ചെയ്തു. KKCA 2024 അഡ്വൈസറി അംഗമായ ശ്രീ സോജൻ തോമസ് ഭദ്രദീപം തെളിച്ച് ഉദ്ഘാടനം നടത്തി. KKCA മുൻ പ്രസിഡന്റുമാരായ ശ്രീ. എബി മണലേൽ, ശ്രീ. സാബു പാറക്കൽ, ശ്രീ. തോമസ് മുല്ലപ്പള്ളി, ശ്രീ. ജോൺസൺ വട്ടകൊട്ടയിൽ, ശ്രീ. റിനോ തെക്കേടത്ത് , ശ്രീ. റെനി കുന്നക്കാട്ടുമലയിൽ , അഡ്വൈസറി അംഗമായ ശ്രീ. സോജൻ തോമസ് തുടങ്ങിയവർ ആശംസകൾ അറിയിച്ചു. തദവസരത്തിൽ മുൻകാല പ്രസിഡന്റ് മാരെ പൊന്നാട അണിയിച്ച് KKCA ആദരിച്ചു. തുടർന്ന് മധുരം പങ്കുവെച്ചു വാർഷികത്തിനു മാറ്റുകൂട്ടി. KKCA ട്രഷറർ, ശ്രീ. ഷിജോ ജോസഫ് എല്ലാവർക്കും കൃതജ്ഞത അർപ്പിച്ചു. പ്രാർത്ഥനയോടുകൂടി സമ്മേളനം പരിഅവസാനിച്ചു . പങ്കെടുത്ത എല്ലാവർക്കും KKCA 2024 കമ്മിറ്റിയുടെ സ്നേഹവും നന്ദിയും അറിയിച്ചുകൊള്ളുന്നു.